સ્વરચિત કાવ્ય

મને ડર લાગે છે...

કુદરત પોતાની સુંદરતા છોડતી નથી,

માણસ પોતાનો સ્વાર્થ છોડતો નથી;

જોઉં છું જ્યારે સચ્ચાઈ આ બેરહેમ દુનિયાની,

 ત્યારે મને ડર લાગે છે.

કહે છે અંધારામાં પણ અંજવાળાની કિરણ હોય છે,

પણ તે જ અંધારું જ્યારે માણસને ભરખે છે,

ત્યારે મને ડર લાગે છે.

રંગીન કાગળ કેરી આ દુનિયામાં,

જોઈ છે સંબંધોની અનેરી ગૂંચવણ;

પરંતુ તે જ સંબંધ જ્યારે પોતાની હદ વટાવે છે,

ત્યારે મને ડર લાગે છે.

લોકશાહીની આ માયાજાળમાં,

રાજનીતિને આરે મૂકીને;

લોકોની ભાવના સાથે જ્યારે રમવામાં આવે છે,

ત્યારે આ દુનિયાનો મને ડર લાગે છે.